ឯកឧត្តម អ៊ុំ សារឹទ្ធ បានបើកកិច្ចប្រជុំការកែទម្រង់ការគ្រប់គ្រងហិរញ្ញវត្ថុសាធារណៈនៃអគ្គលេខាធិការដ្ឋានព្រឹទ្ធសភា
នាព្រឹកថ្ងៃព្រហស្បតិ៍ ទី១២ រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៣០ ខែឧសភា ឆ្នាំ២០១៩ គណៈកម្មការកែទម្រង់ការគ្រប់គ្រងហិរញ្ញវត្ថុសាធារណៈនៃអគ្គលេខាធិការដ្ឋានព្រឹទ្ធសភា បានបើកកិច្ចប្រជុំ ក្រោមអធិបតីភាពឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា ដើម្បីត្រួតពិនិត្យ និងពិភាក្សាលើរបៀបវារៈ÷ ទី១-ពិនិត្យពិភាក្សាផែនការសកម្មភាពរួមដំណាក់កាលទី៣ CAP3-2022 ទី២-ផែនការសកម្មភាពលម្អិតMAP3-2020 និងទី៣- សូចនាករសមិទ្ធកម្មគន្លឹះKPI2020 ក្រោមកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដោយមានការចូលរួមពីអគ្គនាយកទាំងបី និងអង្គភាពពាក់ព័ន្ធ នៅសាលប្រជុំពិសេស វិមានព្រឹទ្ធសភា។
